食肉獸必選放題

生日來個燒肉放題 - 3樓嘅本佐。

雖然係星期六，但晚餐人數唔算多，坐位後寬敞，坐得好舒服。

入坐後，店員會遞上一部電子餐牌，教客人點樣落單

之後就隨即奉上拼盤。呢碟拼盤有幾款肉類，不用客人點菜都會先奉上，咁客人可以邊揀餸邊燒，唔洗等~~~

種類方面，有刺身、燒肉、海鮮、壽司、野菜、小食、炸物，揀左類別再揀食物，有咩食一目了然，簡單又快捷，而同大多數食物都係逐件叫，想食幾多就叫幾多，咁就唔會浪費，贊~~~~

落單後，食物好快就會送上，唔洗追單，亦唔會漏單。

刺身雖然種類唔算多，但受歡迎嘅三文魚、帶子、蝦、北寄貝、八爪魚等都有，而且好新鮮。

肉類方面，主打係牛、豬、雞：一口和牛、肉眼粒、牛小排、牛仔骨、黑豚肉、一口豬、五花腩、豬頸肉、雞件、單骨雞翼。牛類好Juicy，牛味濃，肉嫰。豬&雞翼有D會先醃好，醃得好入味，又惹味。

海鮮類有蠔、蝦、魚、貝等。其中最中意燒大蝦，真係好大隻，無特別醃製，如果嫌淡可以點醬，但淨食都有鮮味。

有一D餸會埋連一個小盆，將小盆放上爐燒，例如牛油蠔、牛油粟米。

呢到嘅熟食/炸物都有好多選擇，其中推介榴槤炸彈，雖然榴槤肉唔自太多，但榴槤味特出，要不停re order。

另一推介，燒菠蘿。試過就咁食新鮮菠蘿，比較淡味，但燒左一陣嘅菠蘿，出奇地甜，所以呢個又係會不停re order。

美中不足嘅，放題中有唔係任食兄項目：飲品只限每人一罐 (可加錢轉任飲)，而雪糕亦只係每人一杯。如果呢2樣都可以升級至任食就Perfect~~~

本佐日本燒肉料理
   
網址: https://s.openrice.com/QrbS0G3O900~uAfkDAA
地址: 尖沙咀赫德道4號TheHART 3樓
電話: 28871028




~~~~~~~~~~~~~~~~~~~~~~~~~~我是分界線~~~~~~~~~~~~~~~~~~~~~~~~
Nico部屋

Facebook Page
http://www.facebook.com/nicoheya

Instagram
https://www.instagram.com/nico_heya/